Monday, November 26, 2007

Si BAKEKANG


Narito ang isang larawan ni bakekang para sa komiks

Vintage Movies

Ang dekada 50 ang itinuturing na Gintong panahon ng Pelikulang pilipino sapagkat napakarami ang tumatangkilik dito. Maraming pelikula ang ginawa ng mga naglalakihang movie producer tulad ng LVN, Sampaguita, Premiere at maraming artista ang hinangaan at pinangarap ng mga manonood. Sa kasalukuyan, sanhi na rin ng iba't ibang bagay, humina na ang produksyon ng pelikula ngunit kasabay ng pananamlay ng mga malalaking movie outfits ay ang pagsibol ng iba't ibang uri ng pelikula gaya na lamang ng Indie Films.

Kasabay ng pagsikat ng pelikula noon ang mga Komiks, katunayan halos lahat ng pelikula noon ay nagmula sa Komiks ang istorya at maraming tao ang nasisiyahan na mapanood sa pinilakang tabing ang kanilang mga kinagigiliwang mga kwentong Komiks,

Kung may pagkakataon nga lamang ay nais kong mangulekta ng mga pelikula noon upang aking mapanood ang mga ito at masiyahan sa malalaman ko at pati nga komiks ay gusto ko ring magkaroon upang magkaroon ng pagkakataong masilayan ang nakaraang panahaon

Ngunit sa ngayon, tingnan na lamang niniyo ang mga Movie Poster at Ads na nasa ibaba. Sa totoo lang, lahat ng pelikulang narito ay mula sa komiks kaya enjoy viewing






















Thursday, July 19, 2007

BITUING WALANG NINGNING sa Langit



Isa sa mga sumikat na Pelikula ng Dekada 80 ay ang Bituing Walang Ningning, mula sa komiks ang orihinal na istorya nito na tungkol sa isang Die hard Fan ng isang sikat na mang-aawit, na mapangmata at plastik sa fan, na naging isa ding magaling at sikat na mang-aawit sa pagdaan ng panahon at mas nahigitan pa ang iniidolo na nagkaroon ng matinding inis sa kanya. pangunahing tampok sina Sharon Cuneta bilang Dorina Pineda, ang Fan na naging sikat na mang-aawit; Cherie Gil bilang Lavinia, ang iniidulo ngunit mas nahigitan pa ni Dorina paglaon; at si Christoper De Leon ang Love interest sa pelikula.

Naisatelebisyon na rin ito na ginawa ng ABS-CBN, tampok si Sarah Geronimo bilang Dorina at Angelica dela Cruz bilang Lavinia.

Dito rin sumikat ang isang linyang di mamamatay at laging maaalala ng mga tao lalo na ng mga fans. Ang nasabing linya ay wala naman daw sa original na iskrip ng pelikula at binuo lang nina Cherie Gil at Tommy Abueg;

"you're nothing but a second rate, trying hard, copycat!"

Hanggang sa ngayon ay di pa rin nalilimutan at laging binibigyan ng papuri at parangal ang pelikulang ito, at sa pagdaan ng panahon ito ay mananatiling isang classic.

OUIJA Board ng Katatakutan

Isa na namang pelikulang pilipino ang ipalalabas sa ilan pang natitirang sinehan sa Pilipinas, ang Ouija, isang Horror film na pinagbibidahan nina Judy Ann Santos at Jolina Magdangal kasama din sina Iza Calzado at Rhian Ramos, ginawa ng GMA Films at VIVA films. Isa pelikula na katatakutan na nagsimula sa pagkasira ng kanilang nilalarong Ouija Board sa pag-asang makakausap nila ay ang kanilang namayapang lola ngunit isang kaluluwa na kanilang nagambala at dahil dito, isa isa silang susundan ng kaluluwa upang maghiganti sa kadahilanang hindi matahimik dahil nasira na ang Ouija board na siyang tanging daan upang makabalik ang kaluluwa sa pinanggalingan nito

"bakit nyo sinira ang Ouija Board eh hindi nyo pa tapos laruin ang spirit of the glass, sinira ninyo ang kaisa-isang pintuang magiging daan niya para makabalik siya sa kanyang pinanggalingan"

Ipapalabas ang Pelikula ngayong July 25 2007

Atlantika (GMA TV Show) Gallery

Isa sa mga tinangkilik na programang pantelibisyon ay ang Atlantika, binuo ng GMA 7 na kinatatampukan nina Dingdong dantes, Iza Calzado, Katrina Halili, Isabel Oli, Paolo Contis at iba pang Pilipinong Aktor at aktres. Isang Telefantasya sa tradisyon ng Encantadia at ng iba pang telefantasya.

Here are some gallery from the TV series Atlantika

Dingdong Dantes as Aquano


Katrina Halili as Helena/Ruana

Iza Calzado as Amaya

Masayang Aliwan

Mahirap ang buhay sa ngayon, maraming paghihirap at pagdurusa ang kailangang suungin upang makaalpas sa kakapusan upang mabuhay sa hinaharap na panahon. Bukod sa hirap na nararanasan natin sa ngayon, nakikidagdag pa sa mga problemang ito ang ilang mga Talangkang naghihila sa atin pababa sa lusak at di pinababayaang tayo ay makaahon sa ilalim ng paghihirap na nararanasan sa maghapon ng ating buhay. Maraming hadlang upang mabuhay tayo ng mapayapa, kasing payapa ng tulad ng paninirahan sa isang paraiso na lahat ay mayroon, walang pagkukulang, walang sakit, walang kakapusan, lahat ay mayroon. Ngunit sa kabila ng lahat ng ito, ang katotohanan, nandito tayo sa mundong ibabaw, nabubuhay at nakikibaka sa isang mundong may kagandahan man ay sinisira ng pag-iimbot, pagiging makasarili at kasamaan.

Kaya naman naimbento ng dakilang Tao ang iba't ibang paraan upang matakasan o minsan man lang ay malimutan ang kasawiang ito sa kanilang buhay, nakabuo sila ng iba't ibang uri ng aliwang makapagbibigay man ng tuwa, luha, poot, galit, pagkaawa, at kasayahan ay nakapagpapalubag naman ng loob ng sinumang tagatunghay o manonood ng nasabing pang aliw.

Tumatanda ang mundo at pati tayo, kasama ng mga nalikhang libangan, at ito ay nakakaroon ng sentimental na pagpapahalaga na pinananatili at iniingatan para sa iba pang henerasyong gustong makasaksi sa mga bagay na nalikha ng tao para sa tao. Mga libangang umukit na sa kasaysayan ng bansang Pilipinas na dumaan na sa matitinding pagsubok at patuloy pa ring nagpupunyagi upang makaligtas sa nagbabadyang mga panganib.

Iba't ibang uri na ng libangan ang nabuo at nananatili magpahanggang ngayon, mga nobela, komiks, pelikula, TV show, at iba pa na tinatangkilik ng mga Pilipino.

Salamat sa mga libangang naimbento ng tao, kaya naman magpahanggang ngayon, masarap pa ring mabuhay sa mundo...